ప్: ఆడవే ఆడవే
ఆడవే జలకమ్ములాడవే (౨)
కలహంసలాగ జలకన్యలాగ (౨)
!! ఆడవే !!
చ్౧: ఆదికవి నన్నయ్య అవతరించిన నేల
తెలుగుభారతి అందియలు పల్కె ఈ నేల
ఆంధ్ర సంస్కృతికి తీయని క్శీరధారలై
జీవకళలొల్కు గోదావరి తరంగాల
!! ఆడవే !!
చ్౨: నాగార్జునుని బోధనలు ఫలించినచోట
బౌద్ధమత వృక్శమ్ము పల్లవించినచోట
బుద్ధం శరణం గఛ్ఛామి
ధర్మం శరణం గఛ్ఛామి
సంఘం శరణం గఛ్ఛామి
క్రిశ్ణవేణీ తరంగిణి జాలిగుండెయై
సాగరమ్మై రూపు సవరించుకొను నీట
!! ఆడవే !!
చ్౩: కత్తులును ఘంటములు కదము తొక్కినవిచట (౨)
అంగళ్ళ రతనాలు అమ్మినారట ఇచట
నాటిరాయల పేరు నేటికిని తలపోయు
తుంగభద్రానది తోయమాలికలందు
!! ఆడవే !!
|